Estadía de observación en Viena

María Cristina González Piñeiro, xefa do departamento de Itailano, realizou unha estadía de observación en Viena, do 22 ao 26 de setembro.

Cristina comparte con nós a súa experiencia nesta entrevista.

En que consistiu a túa mobilidade?

A miña mobilidade consistiu na observación do proceso de fixación de estándares para as probas da materia de italiano do Matura austríaco, que vén equivalendo máis ou menos á selectividade de aquí    

Cales son os aspectos máis positivos da experiencia?

Os profesionais cos que estiven en contacto: son persoal experto en elaboración de probas de certificación lingüística, profesorado austríaco de italiano de secundaria, profesorado universitario especializado no ensino da lingua italiana e tamén había representación dun ente de certificación do italiano de validez internacional.  

Alén da riqueza lingüística e contenutística do intercambio e debate, foi unha grande ocasión de aprendizaxe poder observar como se desenvolve esta etapa do ciclo da avaliación certificativa.     

Que cres que podería mellorar? 

Nada. Unha experiencia inmellorable. Sempre aprendo moito nas mobilidades Erasmus + pero esta foi unha experiencia de aprendizaxe inmensa.     

En xeral, que balance fas desta mobilidade?

Moi satisfactorio

Recomendarías esta experiencia a outros profesores? 

Esta estadía correspondíase perfectamente ao meu perfil e necesidades de aprendizaxe. Recomendo procurar experiencias que cumpran o máis posíbel estes requisitos.    Ministerio Federal de Educación de Austria    As dependencias do Ministerio que visitei reflicten o valor que nese país se recoñece á educación. Contan con medios tecnolóxicos, instalacións eficientes e tamén coidan do benestar dos traballadores habilitando espazos acolledores e prácticos para os ocasionais momentos de pausa. Ademais, os arredores son idílicos.