Mobilidade sobre diversidade na aula

Laura Rodríguez Cochón, profesora do departamento de inglés na sección de Ordes, realizou unha actividade formativa en Austria, no mes de febreiro.

 

 

Laura responde a varias preguntas sobre a súa experiencia nesta experiencia. 

En que consistiu a túa mobilidade?

Fixen un curso de 6 días sobre diversidade na aula, en Viena, en Fremdsprachenzentrum EUROPASS ACADEMY ATHENA.

Cales foron os contidos máis relevantes e que che resultaron máis útiles?

Destacaría os contidos sobe DUA e os contidos sobre instructional design learning principles.

 

Que podes dicir do centro que visitaches?

Fremdsprachenzentrum EUROPASS ACADEMY ATHENA está moi céntrico, moitos servizos preto, as aulas tiñan luz natural e proxector que funcionaba ben pero ás veces o espazo da aula podían facerse algo pequeno; sobre todo se nos movíamos de sitio ou facíamos algunha actividade que non implicara estar sentadas. 

 

Cales son os aspectos máis positivos da experiencia?

Penso que máis positivo foi a oportunidade de compartir experiencias educativas con outros profesionais europeos, os contidos sobe DUA e tamén os contidos sobre instructional design learning principles.

Que cres que podería mellorar? 

Durante as clases, os docentes deberíamos evitar xuntarnos por países e sobre todo, xuntarnos con outras persoas da nosa propia escola. Non ten sentido discutir ideas novas ca mesma xente ca que xa traballas xa que isto se pode facer á volta.  Isto ademais propicia que nos descansos e ó acabar as clases, non interactuemos entre nós e cada un vaia polo seu lado.

Inda que xa sabía de antemán que o meu curso era sobre un tema bastante amplo "diversidade na aula", teríalle sacado máis proveito se o curso estivera centrado en 2 ideas principais, por exemplo: principios DUA  e instructional design principles. Se tratamos moitos temas, por interesantes que sexan, non temos tempo físico de volta no noso centro para facer investigación sobre o que nos interesou e aplicalo ás nosas aulas. Todo iso deberíamos poder facelo durante os cursos.

En xeral, que balance fas desta mobilidade?

Satisfactorio

Recomendarías esta experiencia a outros profesores? 

Si, a recomendaría.

proxectoK1212024, mobilidades