Formación sobre inclusión en Helsinki

A inclusión foi o tema da actividade de formación feita por Alba Prieto, profesora do departamento Inglés na sección de Ordes.  

En que consistíu a túa mobilidade?

A miña mobilidade consistíu na formación sobre ferramentas de IA orientadas a favorecer a inclusión de todo o alumnado nas aulas, do 16 ao 21 de marzo de 2026. 

Cales foron os contidos máis relevantes e que che resultaron máis útiles?

Os contidos máis relevantes foron as propias ferramentas dixitais aplicables á aula, así como a reflexión sobre o seu impacto e o seu potencial para mellorar a accesibilidade, a participación ou a personalización da aprendizaxe.

Que cres que podería mellorar?

Nun curso destas características, no que é necesario experimentar e practicar con autonomía as ferramentas que nos presentan, sería recomendable ampliar a duración. As horas de formación non chegan para realmente afondar nas ferramentas que sí podemos comezar a implementar nas aulas.

Que podes dicir do centro que visitaches?

O centro cambiou recentemente de localización e, a pesar de estar algo afastado do centro da cidade, o entorno natural e as instalacións resultan moi adecuados. Conta con espazos amplos, zonas de descanso e boa climatización. En xeral é un espazo cómodo e funcional nun entorno natural privilexiado.

Cales son os aspectos máis positivos da experiencia?

O máis positivo da experiencia foi a oportunidade de compartir ideas, experiencias e recursos con profesorado de distintos países. Aínda que os contextos eductivos sexan moi diversos, os retos que afrontamos adoitan ser comúns, o que favorece un intercambio enriquecedor sobre as nosas circunstancias.

En xeral, que balance fas desta mobilidade?

Moi satisfactorio.

Recomendarías esta experiencia a outros profesores? 

Si